విశ్వహిందూ పరిషత్

విశ్వహిందూ పరిషత్ 1964 సంవత్సరంలో సాందీపని సాధనాలయం ముంబైలో జన్మించింది. పూజ్య స్వామి చిన్మయానంద అధ్యక్షతన సిక్కు సాంప్రదాయం మాస్టర్ తారాసింగ్, జైన సాంప్రదాయం ముని సుశీల్ కుమార్ జైన్, డాక్టర్ కె.యం. మున్నీ, సంత్ తుకడోజీ! మహరాజ్, పరమ పూజనీయ గురూజీ గోల్వాల్కర్ లాంటి మహాపురుషుల సాన్నిధ్యంలో ఆవిర్భావం జరిగింది.
              మతమార్పిడుల కారణంగా స్వాతంత్య్రం వచ్చేనాటికి భారతదేశం 70 లక్షల చదరపు కిలోమీటర్లు ఉన్న భూమి ఆక్రమణలకు గురై 32 లక్షల చదరపు కిలోమీటర్లకు పరిమితమైంది. నేడు ప్రతి సంవత్సరం 8 లక్షల మంది హిందూ బంధువులు మతమార్పిడికి గురువుతున్నారు. ఇలా జరిగితే మిగిలిన భూమి కూడా మనకు దక్కదు. అందుకే మతమార్పిడిలు ఆపడం అనే ధ్యేయంతో ప్రారంభించడం జరిగింది. అందుకు కారణాలైన ఆస్పృశ్యతను తొలగించడం, సేవా భావాన్ని పెంపొందించి వసుధైవ కుటుంబకం అన్న భావన నిర్మాణం చేయడం, హిందూ ధర్మంలో ఉన్న మహత్తరమైన విషయాలను వాడవాడలా, ఇంటింటా ప్రచారంలోకి తేవడం, విదేశాలలో ఉన్న కోట్లాది హిందూ సోదరులకు మార్గదర్శనం చేయడం లాంటి పవిత్ర ఉద్దేశాలతో సామాజిక సమరసత నిర్మాణం చేస్తూ సమాజంలో సమైక్యత ఆధారంగా హిందూ సమాజంలో ఉన్న వివిధ సంప్రదాయాలకు చెందిన ధర్మాచార్యులను ఒక వేదిక పైకి తెచ్చి అఖండ భారత నిర్మాణానికి కృషి చేయడం.